У суботу 25 лютага каледж гасцінна расчыніў дзверы для  вучняў  школ горада і раёна. Увазе прысутных была прадстаўлена адкрытая лекцыя па асновах ландшафтнага дызайну, з якой выступіла выкладчык агранамічнага аддзялення Прыхач Таццяна.  Яна пазнаёміла прысутных з гісторыяй развіцця ландшафтнага мастацтва ад старажытнасці да сучаснасці, прэзентавала розныя стылі і накірункі ландшафтнага дызайну: рэгулярнага, пейзажнага, кантры, маўрытанскага, японскага, кітайскага, хай-тэку. Асаблівая ўвага была нададзеня стылям, выкарыстаным пры арганізацыі паркаў ў Нясвіжы, Міры, Гомелі.

Таксама  з праектам на тэму “Сады ў англійскім стылі” выступілі  навучэнцы агранамічнага аддзялення Кляўцэвіч Аляксандр і Ярашэвіч Кацярына,  выкладчык замежнай мовы Копач Наталля.  Выступленні суправаджаліся прэзентацыямі і дапамаглі стварыць рэалістычнае ўяўленне пра аб’ект даследавання.  Напрыканцы тэарэтычнай часткі дакладчыкі адказалі на пытанні  прысутных, выдалі кожнаму рэкамендацыі па афармленні  сада ў англійскім стылі.

Падмацаваць атрыманыя веды на практыцы  госці змаглі падчас  наведвання  майстар-класаў. Выкладчыца Ірына Бурвель пазнаёміла з сакрэтамі выганкі цыбулевых раслін, прадэманстравалы шматлікія сарты цюльпанаў, расказала, як вырасціць кветку да восьмага сакавіка.

Навучэнка Русак Таццяна дэманстравала  варыянты пасеву ў снег вель дробнага насення кветкавых культур.

Сіламі навучэнцаў 31 П групы пад кіраўніцтвам Прыхач Таццяны і Мацюшэнка Тамары была арганізавана выстава макетаў малых архітэктурна-садовых форм, выкананых з лазы. Тут і альтанкі, і перголы, і  пляцоўкі рэлаксацыі, падвясныя масткі і іншае. Прысутныя заахвочваліся выкарыстаць прапанаваныя ідэі на ўласных прысядзібных ўчастках.

Найбольшым попытам карыстаўся майстар-клас Мішчука Юрыя, Маркіной Анастасіі і Кірыла Сняжаны  “Пакаёвыя і дэкаратыўныя расліны”, адкуль кожны выйшаў з падарункам для свайго дому  ці клумбы. Загадчыца цяпліцы Станкевіч Наталля і навучэнцы Мельнікава-Арбоне Дзіяна, Ялавецкі Дзмітрый і Кот Аляксандр  дэманстравалі спосабы размнажэння кустоў ядлаўцу казацкага,туі і самшыту, івы Мацудана, керыі, спірэі.

 Майстар –клас  Прыхача Аляксея  і Руткоўскага Уладзіслава дазволіў паспрабаваць сілы ў прышчэпліванні дэкаратыўных раслін, у тым ліку такіх капрызных ружаў, прычым. Рознымі спосабамі. Увазе прысутных Булко Арцём прадставіў экспазіцыю па тапіпярнай фарміроўцы крон туі і ядлаўцу.

У добрым настроі, узбагачаныя новымі ведамі, з вялікімі планамі на надыходзячую вясну развіталіся гаспадары і госці Дня адчыненых дзвярэй.