2016 год у Беларусі  абвешчаны Годам культуры.   І  гэта вельмі  знамянальна, бо  культура — важнейшая каштоўнасць і здабытак народа, духоўная сіла, якая захоўваецца ў традыцыях і перадаецца з пакалення ў пакаленне.

   
У каледжы Год культуры  распачалі  тэатралізаванай кампазіцыяй “Прыйшла Каляда” ў выкананні  навучэнцаў 21 групы агранамічнага аддзялення.  Удзельнікі мерапрыемства атрымалі магчымасць азнаёміцца з абрадава-рытуальнымі дзеяннямі аднаго з самых старажытных славянскіх святаў, дакрануцца да нацыянальнай культуры.

Заўсёды цікава ведаць, як жылі нашы продкі, і калі гэта бачыш, а яшчэ і атрымоўваецца паўдзельнічаць - гэта ні з чым не параўнальныя ўражанні.